ब्रेंकीग: निलगायीची शिकार; दोन आरोपींना अटक : पांढरकवडा वन्यजीव विभागाची कारवाई

पांढरकवडा (यवतमाळ) : टिपेश्वर अभ्यारण्या अंतर्गत येणाऱ्या सावंगी बीट कक्ष क्रमांक 127 च्या जवळील सावरगाव शिवारात निलगायीची शिकार करण्यात आली. वनविभागाच्या पथकाने शिकार करणा-या दोन आरोपींना अटक करण्यात आली. 

आरोपी नारायण नामदेव गाउत्रे रा. सावरगाव व सुभाष अमृत भंडारे रा. सावरगाव अशी आरोपींची नावे आहे. दि. 3 मे 2025 रोजी रात्री टिपेश्वर अभयारण्याचे कर्मचारी शशांक सोनटक्के, क्षेत्र सहाय्यक माथनी वर्तुळ, दिगंबर पोटे वनरक्षक बोथ नियतक्षेत्र व अनिकेत चव्हाण वनरक्षक, भाडउमरी नियतक्षेत्र, हे रात्रगस्त करत होते. अशातच रात्री 10.30 वा. च्या सुमारास वन्यजीव विभागातील सावंगी बीट कक्ष क्रमांक 127 च्या जवळील प्रादेशिक विभागाच्या शेत शिवारात बॅटरीचे लाईट व मोटरसायकलचे लाईट दिसले. यावेळी सदर कर्मचारी हे शेती क्षेत्राकडे निघाले. कोणीतरी आपल्याकडे येत आहे हे पाहून आरोपींनी पळ काढायला सुरुवात केली. वन्यजीव विभागाचे कर्मचारी यांनी आरोपींचा पाठलाग केला. आरोपी हे मोटरसायकल सोडून पळ काढला. वन कर्मचारी घटनास्थळी शेत गट क्रमांक 129 सावरगाव येथे पोहोचले. यावेळी नीलगाय वन्य प्राण्याचे मोठे तुकडे व काही मांसाचे तुकडे साडीच्या कापडामध्ये गुंडाळलेले आढळून आले. घटनास्थळी आरोपी नारायण गाउत्रे व सुभाष भंडारे रा. यांना निलगायचे मास साडीच्या कपड्यात गुंडाळून प्लास्टिकच्या बोरीत नेत असताना पाठलाग करून पकडण्यात आले. सदर गट क्रमांक 129 मधील शेती परिसराची छाननी केली असता शेत विहिरीजवळ निलगायचे मांस, निलगायचे शीर तसेच ताराचा गुंडाळा ई. मुद्देमाल आढळून आला. तसेच एकूण 6 मोटरसायकल जप्त करण्यात आल्या. या प्रकरणी आरोपींविरुद्ध वन गुन्हा नोंदविण्यात आला. पुढील चौकशी करण्यात येत आहे. आरोपींना न्यायदंडाधिकारी प्रथम श्रेणी, घाटंजी यांच्या न्यायालयात आज हजर करून सखोल चौकशी करण्याकरिता आरोपींची वन कोठडी मागण्यात आली आहे.

सदर कार्यवाही एम. आदर्श रेड्डी, वनसंरक्षक तथा क्षेत्र संचालक मेळघाट व्याघ्र प्रकल्प, अमरावती व विभागीय वन अधिकारी उत्तम फड यांच्या मार्गदर्शनाखाली सहाय्यक वनसंरक्षक रवींद्र कोंडावार, वनक्षेत्रपाल प्रशांत सोनुले, वनपाल शशांक सोनटक्के, वनरक्षक दिगंबर पोटे व वनरक्षक अनिकेत चव्हाण यांनी पार पाडली.

माहिती देण्याचे आवाहन 

टिपेश्वर अभयारण्याच्या सिमेवरील शेती भागात शिकारी सदृश्य हालचाली आढळून आल्यास शेतकरी व नागरीक यांनी तात्काळ वन्यजीव विभागास माहिती द्यावी, माहिती देणाऱ्यांचे नाव व ओळख गुप्त ठेवण्यात येईल. या प्रकरणी सर्वांनी वन्यजीव विभागास सहकार्य करण्याचे आवाहन विभागीय वन अधिकारी उत्तम फड यांनी केले आहे.